ПРАТАКОЛ
АБ УСТАНАЎЛЕННI ДЫПЛАМАТЫЧНЫХ АДНОСIН*

_____________________________
     *Уступiў у сiлу 26 студзеня 1992 г.

     Рэспублiка Беларусь i Партугальская Рэспублiка,
     кiруючыся ўзаемным жаданнем развiваць  адносiны  партнёрства  i
супрацоўнiцтва ў палiтычнай, эканамiчнай, культурнай, гуманiтарнай i
iншых галiнах,
     жадаючы поўнасцю выконваць свае абавязацельствы, якiя вынiкаюць
з мiжнароднага права, у прыватнасцi з Статута Арганiзацыi Аб`яднаных
Нацый, а таксама палажэннi Хельсiнкскага Заключнага Акта i Парыжскай
Хартыi,
     пагадзiлiся аб  устанаўленнi  дыпламатычных  адносiн  i  абмене
дыпламатычнымi мiсiямi  на  ўзроўнi  Пасольстваў  ў  адпаведнасцi  з
Венскай  канвенцыяй  аб  дыпламатычных зносiнах ад 18 красавiка 1961
года.
     Рэспублiка Беларусь  i Партугальская Рэспублiка ўпэўнены ў тым,
што  ўстанаўленне  ў  адпаведнасцi  з  iх  нацыянальнымi  iнтарэсамi
дыпламатычных  адносiн  памiж  iмi аблегчыць умацаванне мiжнароднага
супрацоўнiцтва i сусветнага мiру.

     Аформлена ў горадзе  Мiнску  26  студзеня  1992  года,  у  двух
экзэмплярах,  кожны  на  беларускай  i  партугальскай мовах,  прычым
абодва тэксты маюць аднолькавую сiлу.

За Рэспублiку Беларусь                   За Партугальскую Рэспублiку
Мiнiстр замежных спраў                   Мiнiстр замежных спраў
Пётр Краўчанка                           Жуау дэ Дэуш Пiнэйру

<<< Главная страница | < Назад